 |
| praia de Portomaior (Cela-Bueu) |
Estamos
afeitos a que o Sr. Rajoy, o noso Presidente do Goberno segundo resultou das
eleccións do 20 de novembro pasado, nos deixe abraiados con esas saídas súas (e
tamén nosas, porque os galegos somos así), que de cando en vez adoita a decir
nalgunha entrevista, mitin, ou conferencia. A derradeira “perla filosófica” botouna nunha xuntanza hai
pouco, e mesmo dou a volta ao mundo cando dixo, a propósito da hipotética
subida de impostos, especialmente o IVE, aquelo de “nada é eterno”, ou dito en
latín “nihil aeternus est”. Este pensamento filosófico xa sabemos que non é do
Sr. Rajoy, senón dun filósofo chamado Heráclito de Éfeso que vivíu en Asia
Menor alá polo ano cincocentos a.de C.
Foi este filósofo quen dixo un día como outro calqueira: “Todo fluie, todo está
en movemento e nada, nadiña dura eternamente”, e así ficou tan pancho. Así que
por mor de esta frase que soltou o noso Presidente naquela conferencia cheiña
de empresarios eu atrévome a chamalo “o noso Presidente filósofo”. Xa o dixen
ao principio que nós os galegos tamén somos un pouco filósofos verbo das nosas
relacións interpersonais, senón velaquí uns exemplos sobresaíntes e que
adoitamos utilizar a cotío nas nosas conversas: “…pode ser que sí…ou pode ser
que non”, que traducido ao castelán quere decir: “ni sí ni no, sino todo lo
contrario”; .. “nin vou alí, nin fago falla”,…”por un lado non o sei e por
outro qué queres que che diga”; e así
unha morea de exemplos que nos caracterizan como homes e tamén mulleres con
pensamentos filosóficos propios, e que deixan aos nosos interlocutores
atordados, desmontados e sen argumentos.
No hay comentarios:
Publicar un comentario