O PEÚGO MILAGREIRO
Qué sería de nós sen as noticias as veces sorprendentes que
zarrapican de cando en vez as páxinas dos nosos xornais. Estamos cansos de
tantas novas políticas i económicas que desacougan o noso espírito. Por iso,
segundo Europa Press, cando lemos que
un peúgo(calcetín) inalámbrico seica pode ser quen de axudarmos a conciliar
os nosos pesadelos e tamén a diminuír o estrés e a ansiedade, Gaudeamus.
Daquela eu
retiraría das nosas boticas o tranxiliun, paroxetina e o aldosomnil e demais farrapo
de gaita, favorecendo deste xeito a
reducir o gasto en menciñas e axudando á nosa empobrecida Sanidade: Un peúgo por
unha caixa de tranquimazin de trinta comprimidos.
Tamén podemos
agasallar aos nosos políticos e banqueiros con un peúgo ao xeito, porque deben
estar á beira dun infarto de miocardio pensando
na Troika e a curmá de risco.
Mais quenes
precisamos un peúgo milagreiro coma se fose un exvoto de San Campio somos Nós,
os coitados e desprotexidos cidadáns que mesmo temos unhas olleiras de medo por
non poder durmir coma un santo pensando no recibo da luz deste mes.
Propoño,
finalmente, que o Sr. Rajoy inclúa nos orzamentos deste ano unha partida
presupuestaria para mercar peúgos “made
in Spain” porque non queremos problemas co dimetilfumarato.
No hay comentarios:
Publicar un comentario