O fade out do Goberno
Non
saíu nada ben o fade out que o noso grupo folk tentou facer na
derradeira actuación. Abofé que facelo, coma quen di en penuzo, sen tecnoloxía
punta, artesanalmente, resultou desconcertante, tanto para nós coma para o
público porque, namentras a percusión, acordeón e guitarra iban por un camiño,
as gaitas iban por outro, cadaquén por un diferente. O malo é que, coma somos
moi afoutos, dixemos antes de comezar: qué carallo, malo será! Pois non foi nen
de coña, porque ao final da canción, cando fixemos o fade out de marras,
a xente non sabía se aplaudir ao compás do ritmo ou calar. Deixamos ao noso
benquerido público atordado, seica. Despois do concerto, e tamén dunha sosegada
reflexión democrática, pensamos que mellor será, para a próxima actuación, que
rematemos a devandita peza musical como Deus manda, sen facer experimentos.
O noso Goberno está facendo nestes
intres un fade out de moito nabo á cidadanía e, deste xeito, procura,
con argalladas e estatísticas reviradas que non saibamos cándo vai rematar esta
teimuda crise económica que tennos a todos nós cos nervios alporizados,
desconcertándonos cando di nas súas comparecencias públicas que ata o ano 2015,
polo menos, non coñeceremos o que é baixar da burra do 26% do paro que,
casualidade da vida, coincide xustiño coa convocatoria das próximas eleccións
xerais. Tamén está conseguindo o noso Goberno que todos, ademais de estar
pendentes tódolos días da prima de riesgo e do déficit público, saibamos ler e
ata descifrar a letra pequerrecha das disposicións en materia económica que
ceiban, coma dardos envelenados, no BOE, por se atopamos algún ca outro fade
out acochado entre as disposicións adicionais e transitorias que, coma as
meigas, habelas hainas. Despois non nos queixemos das consecuencias.
Daquela, a canción que imos cantar
todos, no canto de ser unha muiñeira vai ser Negra sombra, sen fade out,
por suposto.
No hay comentarios:
Publicar un comentario