CHEIROS (Publicado en el Diario de Pontevedra, 20-03-2012)
Nós os galegos temos o
sentido do olfacto, que para sí o quixeran outros pobos. Tamén temos outros
sentidiños, peores ou millores, pero hoxe toca aquél. Vou poñer uns
exemplos utilizando o noso diccionario
máis universal, o Xerais da Lingua.
Cando
estamos acostumados a escoitar dende hai moito tempo, demasiado tempo diría eu,
as previsións de remate que para o tren de alta velocidade, o AVE, xa dixeron, están a decir e dirán os
nosos gurús políticos: Que si era para o ano 2009, que si vai ser para o 2018,
ou será aínda seica para o ano 2050, ou máis aló; diremos aquelo de “cheirame que” non teñen idea de cándo
van rematar as obras faraónicas-mesmo semella que estamos a falar da muralla
romana de Lugo-.
Cando asistimos abraiados ao que acontece nos casos
xudiciais, mediáticos ou non, como “o dos traxes”, tamén chamado a Gürtel;
Urdangarín, Campeón ou tamén chamado agarimosamente Pepiño Blanco, os ERES en
Andalucía, etc ,etc, onde presuntamente están implicados unha morea de xente coma políticos, empresarios,
excelentísimos señores, filibusteiros, mangantes, etc; usaremos a acepción que
amosa o noso benquerido diccionario : “Esto cheira que alcatrea”.
Cando, coa
decisión do Goberno do País Catalán, abríuse a veda do co-pago, re-pago ou como
diantre queiran chamalo, e mesmo vai correr esta nova coma a pólvora por tódalas
Comunidades Autónomas, incluida a Nosa, senón tempo ao tempo; utilizaremos o
termo “dame no nariz que”……. de esta
vai ser que sí.
E coma o
relativo co noso olfacto ten que ver tamén co órgano máis
sobresainte-enténdaseme ben, quero decir o que sobresae debaixo mesmo dos nosos ollos,
ou sexa o nariz, que por certo, haino de tódolos tamaños e xeitos: aquilino,
remangado, etc-, habería que dicirlles a todos os presuntos, estigmatizados
gratuitamente ou non, aquelo de: “Mesmo
semellan andarlle o sentidiño polas silveiras”, e tamén estoutro: ¡A ver se crían sentido dunha vez por
todas!(por decilo moi finamente), non vaian a rompe-los fouciños. Abur!
No hay comentarios:
Publicar un comentario