 |
| Bueu, dende a miña dorna |
Este é para min non o sentidiño, senón o Sentido con
maísculas, máis importante, e para moitos tamén, afortunadamente. Xa podemos
ver, oír, cheirar, ter un gusto refinado e tacto, que se non temos o sentido da
xustiza metido nos nosos miolos, non seremos quen de chamarmos persoas.
Algúns
búscana desesperadamente por todas partes, e as veces atópana; outros , por
máis que a solicitan non son quen de merecela; a maioría das ocasións non está
nin dispoñible, nin onde ten que estar. E algún tamén coñécena polo seu
antónimo de inxustiza. Temos no noso
dicionario máis universal, o Xerais da Lingua, as seguintes palabras
relacionadas coa Xustiza: Xuízo, xusta, xusteza, xusticeiro, xustificación,
xuíz, xurado, xulgar, xurisprudencia, etc.
Sócrates xa
daquela desafiou aos poderosos da súa época , criticando a inxustiza e abuso de poder,
e así lle foi, claro. Un tal Ulpiano na Roma de aquel entonces definíu moi ben
o que é a Xustiza con maísculas:”suum cuique tribuere”, ou sexa, “dar a cada un o que é De seu”. Tamén
Montesquieu, ao falar da lei ,en xeral, no seu libro Espírito das leis di que
é a razón humana, e que debe ser axeitada ao pobo para quen foi ditada.
É xusto termos as nosa dúbidas razoables
verbo da xustiza, porque eu fágome os seguintes xuízos: ¿É xusta a crise
económica que sempre bate nas persoas máis vulnerables?; ¿Están xustificadas as indemnizacións
millonarias que se levaron os directivos
das Caixas de Aforros?; ¿Existe unha xustiza
para os ricos e outra distinta para os máis débiles?; ¿Existe xustificación posible ante tanta
corrupción?; ¿Os xuíces recorren máis á xurisprudencia que a impartires realmente xustiza?: ¿É o mesmo ter sentido da xustiza que impartila?: ¿Se a un non lle da a razón a xustiza, pode toma-la “xustiza pol-a man” a modo de xusticeiro, como aquel poema de Rosalía
de Castro na súa obra Follas Novas?; ¿Temos as veces a sensación que “sempre fannas os burros e páganas os
arrieiros”?; ¿É o mesmo que a un lle declare un xurado popular, non culpable que ser inocente?
Finalmente podemos preguntarnos con xusteza: ¿É xusta as
veces a propia Xustiza? Dixi. Ipso Jure.
No hay comentarios:
Publicar un comentario