FALAR
POLAS ORELLAS
Meu amigo Toñito díxome: Estou seguro que tes na recámara
outros artigos adicados aos nosos cinco sentidos e, deste xeito, completar o
ciclo iniciado ao falares dos “cheiros”. Eu díxenlle: Pois sí, pero erras nunha
cousa, nos temos non cinco, senón seis sentidiños. Se tes un pouco de paciencia
voucho demostrar nos vindeiros días.
Será toda unha sorpresa. Para este noso sentido do oído faremos uso, coma sempre, do noso dicionario máis universal, o
Xerais da Lingua, e outro de X.L.Franco Grande, o dicionario Galego-Castelán-edición
1981-. Este tema estará adicado en exclusiva ao mundo apaixonante dos nosos
políticos.
No período electoral, sacan todo o seu aparello mediático á
rúa, que mesmo hai intres que abóuzanlle
a un os ouvidos. Decididamente falan
polas orellas nos seus mítines e comparecencias públicas, senón mirade o que aconteceu nos derradeiros comicios
en Andalucía e Asturias. Agora si, pasa a festa e tamén a romaría; e as
promesas e os cumpridos que fixeran nos estrados pasan a mellor vida; e xa
bendecidos polas urnas nas súas poltronas do poder e nos seus despachos fan coma quen ouve chover as peticións
de mellora da sanidade, servizos públicos, etc.
Recoñezo que eu
presenciei algún que outro mitin, máis de oínte que convencido das propostas de intencións que largaban polas
súas bocas, porque xa sabía por experiencias pasadas que os unicornios só
existen na imaxinación das persoas. Pero xamais vin aos nosos políticos que baixaran as orellas ante tanta
desesperación da xente por non atoparen traballo, por exemplo; e sí escoitei mesmo como espallaban as súas
miserias aos catro ventos, uns contra os outros.
Iso si, míranse na televisión con unhas orelleiras de moito coidado; e mesmo podemos demostrar
científicamente que algún son orelludos
sen mais. En definitiva, nós os coitados cidadáns o que pretendemos é escoitar propostas cribles e non
imposibles, porque, as veces, semella que os nosos políticos andan máis preocupados
en roer na orella que en solucionarmos
os problemas verdadeiros. Temos que aguzar
ben as orellas.
No hay comentarios:
Publicar un comentario